Katueaaki te Tia Koroboki nakon te Botaki ibukia Aine, Ataei, Takakaro ao Kamweraoaia Aomata

  • Category: News
  • Hits: 309
Ratings
(0)

(Bairiki, Tarawa – 28 n Nobembwa, 2024)-----E a tia te Tia Koroboki ae boou nakon te Botaki ibukia Aine, Ataei, Takakaro ao Kamweraoaia Aomata ae Ms. Tirebwa Maurintekeraoi n anaa ana berita imatan te Beretitenti Taneti Maamau ibukin tauan tibwangana ni kairiiri.

E karaoaki te botaki ni katuea n tawanoun te bong aei ae te Kaabong, 28 n Nobembwa 2024, ao ni kakoauaaki irouia taian Minita n te Kaebineti, te Tia Koroboki nakon te Kaebineti ao tabeman riki taan mwakuri nte Tautaeka.

N ana maroro te Beretitenti ao e bon anga ana kakaitau nakon te Tia Koroboki ae e boou aio ibukin butimwaean tibwangana ma mwiokoana aio, are e bon rekereke man mwiin ana mwakuri korakora ao kaakaraoan raoi tibwangana.

Ni kainan ana maroro ao e anga taeka ni kaunganano bwa e na karaoa raoi tibwangana nakon te kabanea n tamaroa ngkai bon akea tokin te tamaroa. Ea reitia ni katekeraoia n tauan nakoana ae boou are a manga waaki inanona ngkai ma te kakaonimaki ao te bekumwaaka ibukin te Botannaomata ao ai te Tautaeka.

--------------------------------

Ms. Tirebwa Maurintekeraoi was officially sworn in as the Secretary for the Ministry of Women, Youth, Sports & Social Affairs (MWYSSA) by His Excellency Beretitenti Taneti Maamau.

The ceremony took place on Thursday, 28th November 2024, at the Office of the President, attended by Cabinet Ministers, the Secretary to the Cabinet, and other government officials.

In his remarks, His Excellency congratulated Ms. Maurintekeraoi on taking up this important and challenging role. He praised her dedication to public service and emphasized the values of collaboration, transparency, integrity, and commitment to the welfare of the people and the Government of Kiribati.

### For more info, contact: Communications& PR Unit, Office of The President, P.O Box 68, Bairiki, Tarawa, Republic of Kiribati Tel: +686-75021183, Fax: +686-75021466, Mobile: +686-73006329; E-mail: This email address is being protected from spambots. You need JavaScript enabled to view it.

Related Articles