Ana kaongora ni kamataata H.E Beretitenti Taneti Maamau iaon te COVID-19 n rekereke ma Alert Level 3

  • Category: Blog
  • Hits: 569
Ratings
(0)

KAMAURI:

Nakoimi kaain Kiribati ni kabane mai Makin nako Arorae n ikotaki ma Banaba, Kiritimati, te aono n Raina ma Rawaki, ao ai n taabo nako ike kam mena iai.

N arana ae moan te Tabu ao Kam na bane n Mauri!

Au kaongora n te tai aio bon reitan ana kaongora ami Tautaeka are e a bon tia ni katanoataaki iaon babaire ibukin te kainiin are e nang moantaaiaki riki ibukin maurin te botannaomata.

Kamatoaan mwaitin keiti

Ibukin ana rongorongo te botannaomata n te tai aio ao imwiin tutuo ake a tia ni karaoaki ao iai te bitaki ni mwaitiia ake a tia n reke irouia te aoraki aio bwa iai ngkoa teniman itinanikun te tabo ni katantan ake bon taan tararua, ao iai ngkai te kaaman are e a tabe ngkai ni katabwaninaki rongorongona. Te ka aua ni keiti aio bon tiaki te tia tararua ao tiaki naba kaain Buota. N tabwaninin rongorongon te kaua ni keiti aio ao e na manga bon katanoataaki.

N irekereke ma aio ao e rangi ni kakawaki bwa e na teimatoa ni waakinako te mwakuri n ririmwiiaki te koraki ake a tia ni kaaitiboo ma keiti aika aman aikai ao n anaaki ni kaawakinaki n taabo ni katantan.

Te katautau ngkai bwa e a konaa n ae e a butanako te aoraki aei iaon Tarawa Teinainano ma Betio, ai ngaia are n te tai aio ao e nang moantaaiakaki riki kamatoaan kabonganaan te kateniua n rietaata ni katauraoi ke Alert Level 3 are e na moa man te Kaonobong 22 bongin Tianuare 2022 man te aoa 3 n te bwakantaai.

Ao aikai ngkanne kanoana.

1. Kainan te nakonako inanon 24 te aoa

2. Ana tabo ni mwakuri ma ana kambwana te Tautaeka ana bane n in ao ni waaki ni mwakuri man mwengaia, ma a na bon tii uki taabo ake a rangi ni kainanoaki ibukiia te botannaomata n aron aikai:

 Te On Aoraki

 Te Ikotaki ni Bureitiman

 Te Bangke

 Te KPA

 KOIL ao taabo ni bwaa ao gas stations

 Bitineti ake a kaboonakoi amwarake ma mooi n ikotaki ma KCDL ibukin kanaia maan

 Aobitin Kaneweaba, Bitineti, Karaobwai ao Boboti

 Vodafone ao Oceanlink

 Aobitin te Mwane ma Customs

 Bootaki ni Kanakobwana ao Karekerongorongo

 PUB

 Aobitin Tauan Kanoan Boong

 Aobitin Kamweengaraoi ibukiia Aine ma Ataei

 Aobitin Tararuaan te Mwamwananga i Taari

 Bao ni mwamwananga i taari ao kibakiba

 Te Red Cross

 Te KFHA

 Ao tabeua riki ake e bon noori riaina te Tautaeka bwa a na riai n uki n tain naba te kainiin ae imwaaira aei, ma a na riai ni karekea ana kariaia ana Aobiti te Beretitenti.

3. Bitineti n aroia wholesalers ao titoa (retailers) ake a kabonakoi amwarake ao Onaoraki ana teimatoa n uki ibukin te botanaomata.

4. Aomata nikabane ana riai n tiku iaan mwengaia ao n aki nakonako – ana bon tii kona n nakonako ibukin karekean kainano aika riai n aron kabooan te amwarake, te bwaa, te karatiin ake a na riai ni karekei man te aoa 6am n te ingaabong nakon te aoa 2pm n te bwakantaai. Kam kaungaaki bwa kam na bon boobwai n ami aono ke ami kaawa ngkana arona bwa a reke ami bwai iai.

5. A kariaiakaki kawaran Kiriniki ni kaineti ma ana kainibaaire te Botaki ibukin te Mauri ao Katoki Aoraki.

6. A na aki buti bao ni mamananga (bus).

7. Taabo ni mooi nangkona, mooi manging ao taabo n takakaro ana bane n in.

8. Bobotaki ni kabane a bane ni katokaki.

9. Mwamwanangaia kaibuke ao kiiba a bon kaukaki ibukin karokoan te bwaa, bwaai n aoraki ao kaako rinanon te kainibaaire. Bon ti bwatintia ake a bae iaon abamwakoro ake a kona n okira Tarawa iaon baao ni mwamwananga ngkana a roko n aia abamwakoro rinanon naba te kainibaaire. Akea bwatintia ae a kariaiakaki mai Tarawa nako aon aba ao a na akea naba bwatintia ae a na kariaiakaki bwa a na mwananga imarenan abamwakoro. Bao ni mwamwananga mai tinanikun Kiribati nako Kiribati a na bon teimatoa n roko ma a na rinanon naba te kainibaaire.

Buota

Ibukin ami rongorongo te botannaomata ao e na bon teimatoa n tiku n arona te babaire ibukin te kaawa ae Buota kioina ngkai bon ngaia te kaawa are a maeka iai teniman ma ibuakoia naake a kuneaki n iai te COVID-19 irouia.

N irekereke ma te babaire ao e teimatoa ngkai ni waaki te Botaki ibukin te Mauri ao Katoki Aoraki n uaia n ikarekebai ma te Botaki ibukin Bitineti ma KCCI ao te private sector ibukin kateimatoaan karokoan kaako ma bwainaoraki iaon Buota, bwa a aonga n teimatoa ni kona ni kabooi ao man karekei maiuia man bitineti n te kaawa aei.

N na bubutii ngkami kaain Buota ami taotaonaki n nano ao ami boutoka nakon babaire ma babaaronga ake a na teimatoa ni waakini taan mwakuri ibukin karokoan kaako ao tararuaan maurimi.

I a raona naba aio ma te bwanaa n raraoma ao ni kabwarabure ibukin te iremwe ke te baenikai iaon karokoan kaako n taai aika a nako ngkai a bon riki aikai man karauan raoi baarongaakin te kainibaaire (SOP) ibukin karokoaia iroumi n te aro bwa akea ae e na reke n te kanganga. Taan mwakuri ake a ibuobuoki ibukin kainanon Buota, a kabaeaki bwa a na riai n irii nanon ana kainibaaire te Botaki ibukin te Mauri ao Katoki Aoraki, ao e na bon iai te rekenikai nakoia n aki karaoan nanon aio.

Kainiin

Imwain ae e nang totoki au kaongora n te tai aei, ao Ia reitai ma ngkami kaain Kiribati ni kabane, ni kauataoa riki bwanaan Ami Tautaeka ni kakaitau nakoia taan mwakuri ake a teimatoa ni karaoi tibwangaia ni kaitaraa te Aoraki aio. Tiaki te tibwanga ae e beebete bwa e bon rang matoatoa aron karaoana, aio ai uana naba ma ana babaire ami Tautaeka are e a tia ni karaui ni katinei ibukin tobwaan itera aika a kakaokoro inanon te tai aio n ikotaki ma kainanon ao katanan te botannaomata bwa e aonga ni kona ni butiraoi ara waaki ni kabane ni kaaitara te aoraki aei.

E kakawaki bwa tina bon bane n onimakiniira ngaira kaain Kiribati n tatabemaniira nako bwa ti bane ni karaoi tibwangara ni kaaitara te aoraki aio ibukira ni kabane.

Ai bon te bubuti nakoimi ara botannaomata ao ara taan kairiiri kateimatoaan te boboonnano, te ikarekebai ao te ongotaeka nakon irakin nanon kaetieti aika e na teimatoa ami Tautaeka ni kaakatanoatai ngkai ti teimatoa ni kabanea ara konaa ni kaaitaraa te aoraki aio. Au bubuti bwa kam na aaki nako n nano, waekoa iiti ke kakoroi itimi bwa ngkana e koro nanon aio ao te kantaninga bwa e na uarereke rootakimi n te aoraki aio. Ngkana kam mano ao kam na buooka naba katanaia kaain mweengamii ma ami utu ake a na kai rootaki riki n te aoraki aio.

Ibukiia te roro ae iaan 18 te ririki ao a bon tuai moa n itinaki n iira ana kainibaaire te Botaki ibukin te Mauri n te Aonnaba ae WHO n taai aika a nako, ma ngkai e a tia ni kaukia ao iaon kawaina ngkai n roko itiia iaan te buooka are e a tia n tauraoi. Ae e biriakinaki karokoana inanon te moan kuata n te ririki aio.

Ea mena ngkai Kiribati inanon te tai ni kakaewenako ae matoatoa ae akea n ai arona mai imwaaina ao e rang kainanoaki te uaia n ibuobuoki, ma ngaia ae Ia teimatoa ni kaungai ao ni bubutii nakoimi ngkami ara Botaki n Unimwane ao Unaine, Botaki n Aaro ao Ekaretia nako, Botaki n Roronrikirake, Kauntira, Communities ao ai bon Kaaro Tiina inanon Mweenga nako, bwa kam na kaungaia ami koraki ao ami utu ma raraomi bwa a na teimatoa n ongotaeka nakon babaire ao ni waekoa n kabanei itiia bwa bon tii ngaia aio te anga ae tina kona ni kaaitaraa te/3v33vvv Aoraki aio.

Moan taain itinakim ao koron itim bon maurim, mauria am utu ao kain Kiribati ae banin.

Ao nakoimi ara Mayors ao ara Kauntira ni kabane iaon abamwakoro e riai naba irakin kaetieti aikai ibukin mauriia ao katanaia ami botannaomata.

Ara onimaki n taainako bwa e na raoniira te Uea n anganiira te korakora ao te marurung ni kaaitara te aoraki ae e kakamaaku aei.

Te Mauri, Te Raoi ao Te Tabomoa iaora ni kabane.

Ami Beretitenti ae mangori

Taneti Maamau.

---------------------------

The Government of Kiribati has now confirmed that there are four cases outside the quarantine cases reported earlier. This fourth case is not part of the security team at the quarantine center who were tested positive earlier and does not reside in Buota the village where the three other cases reside before being quarantined. Health officials are currently conducting contact tracing and will further update on this case.

There is now an assumption that COVID-19 is now spreading in the community on South Tarawa and Betio based on this fourth case. For this reason, the Government has now decided to instigate alert level 3 and the lockdown which will now be effective from 3pm on Saturday 22nd January 2022.

The following measures are now declared:

1. Lock-down with 24 hours curfew.

2. All essential service providers (food wholesale and retail) from the private sector will remain open to the public from 6am to 2pm.

3. All Government Offices and SOEs will be closed and work remotely from home, except for essential and emergency services such as:

• Hospital services

• Police services

• Banking services

• Kiribati Port Authority

• Kiribati Oil Company and gas stations

• Wholesalers and retailers selling food and essential items including Kiribati Copra Development Limited

• Ministry of Finance and Economic Development

• Ministry of Tourism, Commerce, Industry and Cooperatives

• Telecommunication service providers

• Public Broadcasting Authority

• Public Utilities Board

• Kiribati Meteorological Service

• Ministry of Women, Youth, Sport and Social Affairs

• Ministry of Information, Communication and Transport

• Shipping and Aviation service providers

• Kiribati Red cross Society

• Kiribati Family Health Association

• And other essential services that the Government deems necessary during the lockdown. These additional services require prior approval of Office of Te Beretitenti.

4. All essential service providers (food wholesale and retail) from the private sector will remain open to the public from 6am to 2pm.

People MUST stay at home – may only leave their homes for essential work or to access emergency services.

5. Access to shops for food shopping and other essential services will be zoned to limit the movement of people within their neighbourhoods or villages from 6am to 2pm.

6. Public transportation services will cease during the lockdown.

7. All kava bars, liquor bars, and night clubs will be closed.

8. All kinds of social gatherings are banned.

9. Access to hospital services will be conducted according to the Ministry of Health and Medical Service guidelines as earlier announced.

Delivery of cargoes, fuels and medical supplies by vessel or air service will continue to outer island with no passengers allowed. Only those stranded in the outer islands are allowed to return to Tarawa provided they meet health travel requirements.

No travels between the outer islands are allowed.

Government will continue to provide regular updates to the public for their information and safety.

In addition, the current lockdown of the Buota village will continue until further notice given that there have been three confirmed cases from this location. Government will continue to work with the private sector to ensure that food and medical supplies continue to be delivered to the area and appeal to the people of Buota village for their patience and support.

During this difficult and challenging situation, the Government appeals to elders, church, island councils, community and youth leaders for their support and cooperation in order to protect and safeguard our health and nation. The only way that we could fight this virus is to through complete vaccination and therefore, the public is urged to complete their vaccination doses in order to protect themselves and families. It is critical that all work together and trust each other to do our part in combating this pandemic.

Related Articles