A na Katairiki ni kakaitau Beretitenti Taneti Maamau nakoia taan anga baia n ibuobuoki ao Kometen te ka 44 ni kauringa Bongin Abara
(Bairiki, Tarawa, Kanimabong 21 n Turai 2023)-------E karaoa ana botaki ni katairiki ao ni kakaitau te Tautaeka nakoia Rabwata ake a tia n anga baia n ibuobuoki inanon kauringaan ana ka 44 n Inaomata Abara ae Kiribati.
N ana marooro are e anga n tain te Katairiki aio ao e kawenea bwanana ni kakaitau Beretitenti Taneti Maamau nakon te Komete ni Kainaomata n aron aia tokanikai ni korakoraia are a tia n anga inanon wiikin te Kainaomata.
A na Katairiki ni kaitiboo Beretitenti Taneti Maamau ma kaain te Ark Peace Hospital mai Tiaina
(Bairiki, Tarawa, Wednesday, 19 n Turai 2023)-------E karaoa ana botaki ni katairiki ni kaitiboo ao ni kakaitau te Tautaeka ma kaain ana kaibuke n onaoraki te Tautaeka n Tiaina n te State Guest House i Bairiki n te tairiki aei.
E roko i Kiribati ana kaibuke n onaoraki Tiaina ae te Ake n Raoi ke Ark Peace Hospital n te Kaonobong ae 15 bongin Turai 2023 ao ni beibeti n te matabaiawa i Betio ibukin karaoan ana mwakuri n ibuobuoki nakoia kaain Kiribati ake iai aorakiia inanon te maan ae teuana te wiiki.
Kakaitau te Tautaeka ni Kiribati n nooran ana ibuobuoki ana Kaibuke n Onaoraki Tiaina nakoia kaain Kiribati
(Bairiki, Tarawa, Moanibong, 17 n Turai 2023)------E a tia Kautun Kiribati H.E Beretitenti Taneti Maamau ni kanakoa bwanaana ni kakaitau nakon ana tiim n ibuobuoki ibukin te Kuakua te Tautaeka n Tiaina ake a roko n aia kaibuke n Onaoraki ae te Ake n Raoi ni karaoa te mwakuri ni kamaeu ao n ibuobuoki nakoia kaain Kiribati ake iai aorakiia.
E raka aron aia nebonebo n reitaki Aaro ma Ekaretia nako n tain bukamaruan ana ka 44 n ririki Abara
(Bairiki, Tarawa, Kaabong, 10 n Turai 2023)------E raka aron aia Taromauri n reitaki Aaro ma Ekaretia nako n te bong aei ae te Moanibong 10 n Turai 2023 ibukin bukamaruan ana ka 44 n ririki Abara, n te ririki aei are e boo n mwaneaban te Katorika i Teaoraereke ae Santo Ioteba mwaneaba.
Aio are ai bon tibwa te moan tai are a bane ni katiteuanaaki iai Botaki n Aro ma Ekaretia nako iaon Kiribati ni kakaitau nakon te Atua ibukin kauringaan Bongin Abara n Turai te ririki aio, ao ibukin teimatoan ana tararua ao ana kakabwaia nakon abara n te maan ae 44 te ririki.
“E nangi n nakoraoi bwa ti a reitaki ni kabane ma kain Aaro ma Ekaretia nako iaoni Kiribati ibukin neboan te Atua ao kabwaian Kiribati”, ana taeka temanna man te Aro teuana are kaota ana iango ni kanoan te bong aio.
Te kabanea ni bubura ni karikirake iaon te ran ibukin Tarawa Teinainano ma Betio, ae e bon waaki naba mwakuriana
(Bairiki, Tarawa, Taabati 17 n Eberi 2022) ----- E waaaki ngkai te Tautaeka rinanon te Botaki ibukin Mwakurian Karikirake ao Korakora (MISE) ni mwakuriia kanoan te karikirake ae te South Tarawa Water Supply Project ke te karikirake ibukin karokoan te ran nakoia aomata ni kabane iaon Tarawa Teinainano ma Betio.
Aio bon te kabanea ni bubura ni karikirake ni waakinaki iaon Kiribati ma mwaitin te kataumwane iai ae USD$63.87 te mirion ke AUD$84,327,561 ao ni mwanenaki man te Green Climate Fund (GCF), ana Bangke ni Karikirake Atia (ADB), Bangken te Aonnaba (World Bank), te Global Environment Fund (GEF) ma a na mwaiti ae USD$4.59 te mirion ke AUD$6,059,259 ao ai bon te Tautaeka ni Kiribati.
Kanimwakin mitiin n ran iaon atimwakoro ake a taaketenaki
(Bairiki, Tarawa, Taabati 17 n Eberi 2022)----Iaon kawaina ngkai ni bobonga raoi ana karikirake te Tautaeka iaon kanimwan mitiin n ran (desalination plant) ibukin tobwaan kainanoia te botannaomata iaon atimwakoro ake a teimatoa n rootaki man taian kaangaanga n irekereke ma te ran ni mooi iaon abaia.
Aio bon teuana maibuakon ana karikirake ami Tautaeka ni kaineti ma kakoroan nanon ana motinnano n reitaki ma ana kataratara ae e abwabwaki (KV20) ibukin uarokoan te marurung ao te maeuraoi man karekean raan ni mooi aika a itiaki irouia te botannaomata ake a maeka n abamwakoro ake a bon rangi n rootaki ke n tarika ranin abaia.
Nang kateaki uoua riki taabo ni katantan ibukin buokan te mwamwananga
(Bairiki, Tarawa, Taabati 17 n Eberi 2022)---- E waaki ngkai te Tautaeka ni barongaa aron mwakurian te kateitei ibukin uoua taabo ni katantan aika a boou ake a na tauraoi ni kabonganaaki ibukiia bwatintia ake a na tauraoi n roko iaon Kiribati inanon taairake aikai iaon Tarawa ma Kiritimati.
E kamatoa te Botaki ibukin te Mauri ao Katoki Aoraki bwa e tabe ngkai ni waaki baarongaan te mwakuri iaon taabo ake e na waaki iai te kateitei n reitaki ma onobwai aika a bubura n aron are e na tauraoi ni waaki n te Otintaai Outeero i Bikenibeu ao n reitaki naba ma teuana are e na kateaki i Tabwakea iaon Kiritimati. E mwanenaki katean taian quarantine centres aikai man ana buoka te Asian Development Bank n reitaki ma te Tautaeka ibukin buokan ana waaki iaon te COVID-19.